Question 1

Hvað felst í streitustjórnuninni og hvernig gengur hún fyrir sig?

Accepted Answer

Streitustjórnunin er einstaklingsmiðað og markvisst ferli sem hjálpar þér að vinna úr streitu og skilja hvernig líkaminn bregst við álagi. Þú lærir hvað gerist í líkamanum við streitu og hvers vegna hann bregst svona við, jafnvel við aðstæðum sem þú fórst létt með áður. Samhliða því öðlast þú færni og verkfæri til að takast á við streitu og krefjandi aðstæður.

Streitustjórnunin er í raun hjálp til sjálfshjálpar þar sem þú lærir aðferðir sem nýtast þér til framtíðar, bæði til að draga úr streitu og fyrirbyggja hana.

Hvernig gengur þetta fyrir sig?
Um er að ræða sjö skipta ferli með einstaklingsfundum. Fyrstu fjögur skiptin fara fram með um viku millibili, en síðan lengist tíminn á milli funda. Þú getur valið hvort fundirnir fara fram á stofu minni eða í gegnum fjarfund.

Þú þarft ekki að klára öll sjö skiptin. Markmiðið er að þú fáir þann stuðning og þau verkfæri sem þú þarft, og ef þú upplifir að þú hafir náð þínum markmiðum geturðu hætt hvenær sem er.

Hvert samtal tekur um 60 mínútur, þó geta sum verið styttri eða lengri. Fyrsta samtalið er undantekning og tekur um 90 mínútur.

Verkefni og stuðningur
Ferlinu fylgja einföld verkefni sem styðja þig í að takast á við streitu og álag. Þau hjálpa þér að þróa heilbrigð viðbrögð við streituvaldandi aðstæðum, dýpka skilning þinn á eigin lífi og gildum og skýra sýn þína á það sem skiptir þig máli.

Í gegnum verkefnin færðu tækifæri til að skoða markmið þín og forgangsröðun, setja þér ný markmið og styrkja eigin getu til að takast á við krefjandi aðstæður.

Til að ná sem bestum árangri er mikilvægt að þú sért tilbúin(n) að vinna með verkefnin og nýta þau verkfæri sem þú færð.

Question 2

Hvernig get ég verið viss um að þetta virki?

Accepted Answer

Aðferðafræðin sem ég vinn eftir hefur verið prófuð vísindalega með góðum árangri í COPESTRESS rannsókninni sem leidd var af Dr. Bo Netterstrøm við Bispebjerg sjúkrahúsið í Kaupmannahöfn.

Um er að ræða sannreynda nálgun þar sem streituúrvinnsla, fræðsla og fyrirbyggjandi streitustjórnun fara saman. Rannsóknin sýndi að þessi aðferð hjálpar fólki að ná betri tökum á streitu og bæta líðan. Einnig kom fram að þeir sem voru frá vinnu vegna streitu snéru fyrr aftur til starfa með þessari nálgun.

Nánari upplýsingar um rannsóknina má finna hér.

Question 3

Hversu langan tíma tekur ferlið?

Accepted Answer

Streitustjórnunin samanstendur af sjö fundum sem dreifast yfir tvo til fjóra mánuði, allt eftir því hve hratt þú vilt fara í gegnum ferlið.

Margir velja að halda áfram í nokkra tíma til viðbótar til að vinna dýpra úr þeim aðstæðum sem valda álagi og streitu. Það er þó alveg undir þér komið hve langt þú ferð í ferlinu og hvort þú vilt halda áfram eftir að þessum sjö fundum lýkur.

Þú þarft ekki að klára öll sjö skiptin. Markmiðið er að þú fáir þann stuðning og þau verkfæri sem þú þarft, og ef þú upplifir að þú hafir náð þínum markmiðum geturðu hætt hvenær sem er.

Question 4

Get ég stundað vinnu eða nám samhliða?

Accepted Answer

Já, algerlega! Þú heldur áfram með þína daglegu rútínu, hvort sem það er vinna, nám eða annað.

Þú kemur reglulega í samtöl og í gegnum ferlið lærir þú aðferðir og færð verkfæri sem hjálpa þér að takast á við álag og krefjandi aðstæður, bæði í starfi, námi og daglegu lífi.

Question 5

Hvers er krafist af mér?

Accepted Answer

Til að fá sem mest út úr ferlinu er mikilvægt að þú lesir þau gögn og upplýsingar sem þú færð og sinnir þeim verkefnum sem fylgja. Þetta krefst ekki mikils tíma né fyrirhafnar, yfirleitt um eina klukkustund á viku, en er engu að síður lítil skuldbinding.

Það er hins vegar til mikils að vinna. Þetta ferli getur haft jákvæð og varanleg áhrif á líðan þína og hjálpað þér að ná betra jafnvægi í lífinu.

Question 6

Get ég farið í gegnum ferlið þó ég sé sjúkraskráð/ur vegna streitu?

Accepted Answer

Já, að vera í veikindaleyfi er engin hindrun. Þú getur hafið ferlið hvenær sem er og í raun má segja að því fyrr, því betra. Markmið prógramsins er að hjálpa þér að komast í jafnvægi, ná tökum á lífinu á ný og skapa þér þær aðstæður sem þú vilt búa við.

Aðferðafræðin sem ég vinn eftir hefur verið prófuð vísindalega með góðum árangri í COPESTRESS rannsókninni, sem var leidd af Dr. Bo Netterstrøm við Bispebjerg sjúkrahúsið í Kaupmannahöfn.

Rannsóknin sýndi meðal annars að þeir sem voru frá vinnu vegna streitu gátu með þessari nálgun snúið fyrr aftur til starfa og fundið betra jafnvægi í lífi og starfi.

Question 7

Ég er ekki viss um að það sé streita sem er að há mér - hvað gerum þá?

Accepted Answer

Ef þú ert óviss um hvort streita sé að valda vanlíðan þinni býð ég upp á óskuldbindandi 15 mínútna símtal, þér að kostnaðarlausu. Í samtalinu ræðum við hvernig þér líður og þær aðstæður sem þú ert að upplifa. Við skoðum jafnframt hvaða leiðir gætu hentað þér og hvort streituráðgjöf eða streitustjórnun sé rétta leiðin fyrir þig.

Símtalið er frítt og algjörlega skuldbindingarlaust af þinni hálfu. Ef þú upplifir að þetta sé rétt leið fyrir þig getum við haldið áfram og mótað fyrstu skrefin í átt að betri líðan.

Ef þú vilt bóka símtal geturðu sent mér skilaboð á streita@streita.is með símanúmerinu þínu og hvenær hentar best að hringja – þá heyri ég í þér.

Algengar spurningar